मी माझ्या मनाचा !

आसमंत मी निरभ्र पुनवेचा,

आनंद मी जलतृप्त धरणीचा,

अटळ जरी बंधने नियतीची,

असे परि मी माझ्या मनाचा !

रंग मी श्रावणी जंगलांचा,

ढंग मी नागमोडी वळणांचा,

छंद मी कान्ह्यावेडया गोपीकांचा !

गारवा मी पाहिल्या पावसाचा,

मारवा मी तासलेल्या गळ्याचा,

सावरा मला मी वाराच्या वेगाचा !

दूत मी अकालनीय काळाचा,

सुर मी बदलत्या नात्यांचा,

दूर जरी सर्वांपासून तरी आहे सर्वांचा !

अटळ जरी बंधने नियतीची,

असे परि मी माझ्या मनाचा !