खरंच सांगतो !

खरंच सांगतो, आजकाल रात्री मी शांत झोपतो !

तुझ्या सगळ्या आठवणींचं एक गाठोडं केलयं,

मेंदूच्या वरच्या माळ्यावर केव्हाच टाकून दिलयं,

सध्याच्या धावपळीच्या दिवसात तिथे पाहायला वेळ कुठे मिळतो ?

खरंच सांगतो, आजकाल रात्री मी शांत झोपतो !

स्वप्नंसुद्धा आजकाल भविष्याचीच पडतात

नवी नवी स्वप्ने जुन्या स्वप्नानांच दिसतात

तुझ्या गुलाबी स्वप्नांना तिथे वाव कुठे असतो ?

खरंच सांगतो, आजकाल रात्री मी शांत झोपतो !

तरिही कधीतरी हळुच तु येतेस

आठवणींचं बोचकं उघडुन बसतेस

अशावेळी नेमका घडाळ्याचा गजर होतो

पहाटेच स्वप्न खरं व्हायची मी वाट पाहत बसतो

खरंच सांगतो, आजकाल रात्री मी शांत झोपतो !